Вторник 4-й седмицы по Пасхе. Сщмч. Василия, еп. Амасийского.
Служба сщмч. Василию не имеет праздничного знака, совершается вместе со службой Триоди.

9-й час — по обычаю.

На вечерне — кафизма 6-я.
На «Господи, воззвах» — стихиры на 6: Триоди, глас 1-й — 3 и священномученику, глас 4-й — 3. «Слава, и ныне» — праздника, глас 5-й: «Взыде Иисус во Иерусалим…».
Входа нет. Прокимен дня.
На стиховне стихиры Триоди, глас 3-й. «Слава, и ныне» — праздника, глас 8-й: «В притворе Соломонове…».
По Трисвятом — тропарь воскресный, глас 3-й. «Слава, и ныне» — Богородичен воскресный, глас тот же.

На утрене на «Бог Господь» — тропарь воскресный, глас 3-й (дважды). «Слава, и ныне» — Богородичен воскресный, глас тот же.
Кафизмы 7-я и 8-я. Малые ектении. Седальны Триоди. «Воскресение Христово видевше…» (единожды). Псалом 50-й.
Каноны: праздника, глас 3-й: «Дивно, славно творяй чудеса…» со ирмосом на 8 (ирмос дважды), и священномученику на 4.
Библейские песни: «Поем Господеви…».
Катавасия по 3-й, 6-й, 8-й и 9-й песнях — ирмосы канона Минеи.
По 3-й песни — кондак священномученику, глас 4-й; седален священномученику, глас 3-й. «Слава, и ныне» — седален праздника, глас 3-й: «Глагол разслабленнаго…» (см. в Неделю о расслабленном).
По 6-й песни — кондак и икос праздника, глас 3-й (см    в Неделю о расслабленном).
На 9-й песни поем «Честнейшую».
По 9-й песни «Достойно есть» не поется. Светилен праздника Триоди: «Предста Человеколюбец…». «Слава, и ныне» — тот же светилен (см. в Неделю о расслабленном).
Хвалитные псалмы.
На хвалитех стихиры Триоди, глас 3-й — 4. «Слава, и ныне» — праздника, глас 8-й: «Господи, разслаб­леннаго…».
«Тебе слава подобает…» не читается, но сразу чтец: «Слава Тебе, показавшему нам свет». Читается вседневное славословие.
На стиховне стихиры Триоди, глас 3-й. «Слава, и ныне» — Триоди, глас 5-й: «При овчей купели…».
По Трисвятом — тропарь воскресный, глас 3-й. «Слава, и ныне» — Богородичен воскресный, глас тот же.
На часах — тропарь воскресный. Кондак праздника Триоди.

На Литургии блаженны праздника, песнь 9-я — 6 (со ирмосом).
По входе — тропари и кондаки:
В храме Господском — тропарь воскресный. «Слава» — кондак священномученику, «И ныне» — кондак праздника.
В храме Богородицы — тропарь воскресный, тропарь храма. «Слава» — кондак священномученику, «И ныне» — кондак праздника.
В храме святого — тропарь воскресный, тропарь храма; кондак храма. «Слава» — кондак священномученику, «И ныне» — кондак праздника.
Прокимен и аллилуиарий — праздника (см. в Неделю о расслабленном).
Апостол и Евангелие — дня.
Задостойник Пасхи.
Причастен Пасхи: «Тело Христово …».
После Литургии совершается благодарственный молебен и заупокойная лития.

Последование благодарственнаго и молебнаго пения ко Господу Богу, певаемаго в День Победы
Диакон: «Благослови, Владыко».
Иерей возглашает: «Слава Святей, и Единосущней, и Животворящей, и Нераздельней Троице, всегда, ныне и присно и во веки веков».
Лик: «Аминь».
Диакон: «Миром Господу помолимся», до прошения: «О плавающих...».
К обычным прошениям присоединяются особые:
«О еже исправитися молитве нашей сей, яко кадилу пред Спасителем нашим Богом, и приятися сей жертве сердец и устен, исповедающихся Господеви в день спасения, услышавшему нас в день печали, Господу помолимся.»
«О еже непреобориму и победительну всегда над враги Отечеству быти, и мир и славу утвердити в земли нашей, Господу помолимся.»
«О еже даровати нам благодать от ныне и до века верою и любовию возвещати спасение и силу и Царство Бога нашего и область Христа Его, подавшему стране нашей силу и воздавшему нам радость спасения Своего, Господу помолимся.»
«О избавитися нам…»
«Заступи, спаси, помилуй…»
«Пресвятую, Пречистую…»
Возглас: «Яко подобает Тебе всякая слава…».
Посем, «Бог Господь…» со стихами. Тропарь, глас 4-й: «Благодарни суще, недостойнии раби Твои, Господи, о Твоих великих благодеяниих на нас бывших, славяще Тя, хвалим, благословим, благодарим, поем и величаем Твое благоутробие, и рабски любовию вопием Ти: Благодетелю, Спасе наш, слава Тебе».
«Слава», глас 1-й: «Спаси, Господи, люди Твоя и благослови достояние Твое, победы православным христианом на сопротивныя даруя и Твое сохраняя Крестом Твоим жительство».
«И ныне», Богородичен, глас 8-й: «Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но, яко имущая державу непобедимую, от всяких нас бед свободи, да зовем Ти: радуйся, Невесто Неневестная».
Диакон: «Вонмем».
Иерей: «Мир всем».
Чтец: «И духови твоему».
Диакон: «Премудрость, вонмем».
Чтец: Прокимен, глас 4-й: «Господь крепость людем Своим даст, Господь благословит люди Своя миром». Стих: «Принесите Господеви, сынове Божии, принесите Господеви славу и честь».
Апостол ко Ефесеем, зачало 233.
Евангелие от Матфея, зачало 98–99 (сборное).
Рече Господь Своим учеником: услышати имате брани и слышания бранем. Зрите, не ужасайтеся, подобает бо всем сим быти, но не тогда есть кончина. Востанет бо язык на язык и царство на царство, и будут глади и пагубы, и труси по местом. Вся же сия начало болезнем. Будет бо тогда скорбь велия, якова же не была от начала мира доселе, ниже имать быти. И аще не быша прекратилися дние оны, не бы убо спаслася всяка плоть. Избранных же ради прекратятся дние оны.

После прочтения Евангелия ектения: «Рцем вси…».
По «Еще молимся о богохранимей стране нашей…» присоединяются особые прошения:
«Еще молимся, о еже прияти Господу Спасителю нашему исповедание и благодарение нас, недостойных рабов Своих, яко не по беззаконием нашим сотворил есть нам, ниже по грехом нашим воздал есть нам, но и в годину искушения, пришедшаго на Отечество наше и на всю вселенную, избавил ны есть, и внегда, обышедше, обыдоша нас врази наши, явил есть нам спасение Свое.»
«Еще молимся о вождех и воинех наших, на поли брани жизнь свою положивших, от ран и глада скончавшихся, в пленении и горьких работах невинно умученных и убиенных, и всех Победы ради потрудившихся, яко да даст им Царь славы в день праведнаго Своего воздаяния жизнь вечную и венцы нетления, нас же всех в вере и единомыслии утвердит.»
«Еще молимся Тебе Господу, Богу нашему, о еже призрети на, скорби, беды, страдания, слезы и стенания людей Своих, и Милостиву быти и отвратити весь гнев Свой, праведно движимый на ны, и помиловати ны.»
Возглас: «Услыши ны, Боже, Спасителю наш…»
Хор: «Аминь».
Диакон: «Господу помолимся».
Хор: «Господи, помилуй».
Далее иерей читает молитву:
«Боже Великий и Непостижимый, спасаяй погибающия, животворяй мертвыя, вся творяй по воли Твоей, и дивным Твоим промыслом управляяй всяческая! Приклони ухо Твое с высоты святыя Твоея и приими от нас, смиренных и недостойных рабов Твоих, сердцем и усты возносимая Тебе благодарственная сия моления, исповедания и славословия.
Яко не по беззаконием нашим сотворил еси нам, Господи, ниже по грехом нашим воздал еси нам. Ты глаголал еси древле сыновом Израилевым, яко, аще не послушают гласа Твоего хранити и творити вся заповеди Твоя, наведеши на них язык безстуден лицем, иже сокрушит их во градех их, дондеже разорятся стены их. И мы ведехом, яко исполнился глагол сей страшный на народе нашем.
Но Ты, Господи Боже, Щедрый и Милостивый, Долготерпеливый и Истинный и правду храняй и творяй милость, милостию велиею помиловал еси и, посетив жезлом неправды наша, ущедрил еси нас победою на супостаты. Темже утвердися серце наше в Господе нашем, вознесеся рог наш в Бозе нашем, возвеселихомся о спасении Твоем. Благодарим Тя за избавление Отечества от врага лютаго. Даждь нам, Господи, память сего славнаго Твоего посещения твердо и непрестанно имети в себе, еже всегда благодарити и славословити: слава Тебе, Богу, Благодателю нашему, во веки веков».
Лик: «Аминь».
Диакон: «Премудрость».
Лик: «Честнейшую Херувим».
И отпуст: «Воскресый из мертвых, Христос, Истинный Бог наш, молитвами Пречистыя Своея Матере, святых славных и всехвальных апостол, святаго великомученика и Победоносца Георгия, всех святых, в земли Русской просиявших, и всех святых, помилует и спасет нас, яко Благ и Человеколюбец».
Таже: «Во блаженном успении вечный покой подаждь, Господи, усопшим рабом Твоим, приснопамятным вождем и воином за веру и Отечество на поли брани жизнь свою положившим, от ран и глада скончавшимся, в пленении и горьких работах невинно умученным и убиенным и всем Победы ради потрудившимся, и сотвори им вечную память».
По сих же Многолетия и «Христос воскресе…» (трижды).
Особые заупокойные прошения в день Победы
На ектении и в молитве «Боже духов…»:
«Еще молимся о упокоении душ приснопамятных вождей и воинов за веру и Отечество на поли брани жизнь свою положивших, от ран и глада скончавшихся, в пленении и горьких работах невинно умученных и убиенных и всех Победы ради потрудившихся, и о еже проститися им всякому прегрешению вольному и невольному».
При возглашении вечной памяти:
«Во блаженном успении вечный покой подаждь, Господи, усопшим рабом Твоим, приснопамятным вождем и воином за веру и Отечество на поли брани жизнь свою положившим, от ран и глада скончавшимся, в пленении и горьких работах невинно умученным и убиенным и всем Победы ради потрудившимся, и сотвори им вечную память».