Православные храмы

Храм равноапостольного князя Владимира (в Верховной Раде)

Храм при Парламенте нашего государства оборудован в одной из комнат -…

Свято-Троицкий храм Китаевой пустыни

Согласно преданию, Китаевская пустынь была основана в ХІІ столетии…

Храм апостола и Евангелиста Луки (в отделе медобеспечения ГУВД в Киеве)

С конца 90-х годов на территории Института нейрохирургии Национальной…
Публикации

Про необхiднiсть i користь посту

Свята Церква, наслідуючи приклад Господа і його апостолів, установила для нас у…

Духовное просвещение неслышащих

Недавно в Казани (Республика Татарстан, Россия) прошла научно-практическая…

Куда приводят мечты... или уводят?

Фильм “Куда приводят мечты” нужно рассматривать в ряду многочисленных попыток…

Отпевание

Иерей начинает: Благословен Бог наш:

Хор: Аминь.

Хор: Блажени непорочнии в путь, ходящии в законе Господни. Упокой Господи души раб Твоих. Жива будет душа моя и восхвалит Тя, и судьбы Твоя помогут мне. Заблудих, яко овча погибшее: взыщи раба Твоего, яко заповедей Твоих не забых.

Тропари заупокойные, глас 5-й.

Благословен еси Господи, научи мя оправданием Твоим.

Святых лик обрете источник жизни и дверь райскую, да обрящу и аз путь покаянием, погибшее овча аз есмь, воззови мя Спасе и спаси мя.

Благословен еси Господи, научи мя оправданием Твоим.

Упокой, Боже, раба Твоего и учини его в раи, идеже лицы святых, Господи, и праведницы сияют яко светила; усопшего раба Твоего упокой, презирая его вся согрешения.

Слава Отцу и Сыну и Святому Духу.

Трисиятельное Единого Божества, благочестно поем вопиюще: Свят еси, Отче Безначальный, Собезначальный Сыне и Божественный Душе; просвети нас, верою Тебе служащих, и вечного огня исхити.

И ныне и присно и во веки веков. Аминь.

Радуйся, Чистая, Бога плотию рождшая во спасение всех, Еюже род человеческий обрете спасение, Тобою да обрящем рай, Богородице Чистая, Благословенная!

Аллилуиа, аллилуиа, аллилуиа, слава Тебе, Боже (Трижды).

Седален, глас 5-й.

Покой, Спасе наш, с праведными раба Твоего, и сего всели во дворы Твоя, якоже есть писано, презирая яко Благ, прегрешения его, вольная и невольная, и вся яже в ведении и не в ведении, Человеколюбче.

От Девы возсиявый миру, Христе Боже, сыны света Тою показавый, помилуй нас.

Песнь 1 канона:

Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.

Запевы:

Иерей: Покой, Господи, душу усопшаго раба Твоего.

Хор: Покой, Господи, душу усопшаго раба Твоего.

Иерей: Слава Отцу и Сыну и Святому Духу.

Хор: И ныне и присно и во веки веков. Аминь.

Песнь 6 канона:

Житейское море, воздвизаемое зря напастей бурею, к тихому пристанищу Твоему притек вопию Ти: возведи от тли живот мой, Многомилостиве.

Ектения: Паки и паки…

Хор: Господи помилуй.

Иерей: Еще молимся о упокоении души усопшаго раба Божиего (имярек), и о еже проститися ему всякому прегрешению, вольному же и невольному.

Хор: Господи помилуй.

Иерей: Яко да Господь Бог учинит душу его, идеже праведнии упокояются.

Хор: Господи помилуй.

Иерей: Милости Божия, Царства Небеснаго, и оставления грехов его, у Безсмертного Царя и Бога нашего просим.

Хор: Подай Господи.

Иерей: Господу помолимся,

Хор: Господи помилуй.

Возглас: Яко Ты еси Воскресение, и живот, и покой усопшаго раба Твоего…

Хор: Аминь.

Кондак, глас 8-й

Со святыми упокой, Христе, душу раба Твоего, идеже несть болезнь, ни печаль, ни воздыхание, но жизнь бесконечная.

Икос:

Сам Един еси Безсмертный, сотворивый и создавый человека: земнии убо от земли создахомся, и в землю туюжде пойдем, якоже повелел еси, создавый мя и рекий ми: яко земля еси и в землю отыдеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.

Запевы:

Иерей: Покой, Господи, душу усопшаго раба Твоего.

Хор: Покой, Господи, душу усопшаго раба Твоего.

Иерей: Благословим Отца и Сына и Святаго Духа Господа.

Хор: И ныне и присно и во веки веков. Аминь.

Песнь 9 канона:

Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово воплощенно, Егоже величающе, с небесными вои Тя ублажаем.

Стихира, глас8:

Плачу и рыдаю, егда помышляю смерть, и вижду во гробех лежащую, по образу Божию созданную нашу красоту, безобразну, безславну, не имущую вида. О чудесе! Что сие еже о нас бысть таинство; како предахомся тлению; како сопрягохомся смерти; воистинну Бога повелением, якоже писано есть, подающего преставльшемуся упокоение.

Чтец: Блаженны, глас 6:

Во Царствии Твоем, егда приидеши, помяни нас Господи:

Блажени нищии духом, яко тех есть Царство Небесное.

Блажени плачущии, яко тии утешатся.

Блажени кротцыи, яко тии наследят землю.

Блажени алчущии и жаждущии правды, яко тии насытятся.

Блажени милостивии, яко тии помиловани будут.

Разбойника рая, Христе, жителя на кресте Тебе возопивша, помяни мя, предсодеял еси покаянием его, и мене сподоби недостойнаго.

Блажени чистии сердцем, яко тии Бога узрят.

Животом господствуяй и смертию, во дворех святых упокой, егоже приял еси от привременных: и помяни мя, егда приидеши во Царствии Твоем.

Блажени миротворцы, яко тии сынове Божии нарекутся.

Душами владычествуяй и телесами, егоже в руце дыхание наше, оскорбляемых утешение, упокой во стране праведных, егоже преставил еси раба Твоего.

Блажени изгнани правды ради, яко тех есть Царство Небесное.

Христос тя упокоит во стране живущих, и врата райская да отверзет ти: и Царствия покажет жителя, и оставление тебе даст, о нихже согрешил еси в житии, христолюбче.

Блажени есте, егда поносят вам, и ижденут и пронесут имя ваше яко зло, Сына Человеческого ради.

Изыдем и узрим во гробех, яко наги кости человек, червей снедь, и смрад, и познаем, что богатство, доброта, крепость, благолепие.

Радуйтеся и веселитеся, яко мзда ваша многа на небесех.

Услышим, что зовет Вседержитель: увы ищущим страшный день Господень! Сей бо есть тьма: огнем бо искушаются всяческая.

Слава:

Безначальным и рождением же и происхождением, Отцу покланяюся родившему, Сына славлю рожденнаго, пою сопросиявшаго Отцу же и Сыну, Духа Святаго.

И ныне: Како от сосцу Твоею млеко точиши Дево; како питаеши Питателя твари; якоже весть источивый воду от камене, жилы водныя жаждущим людем, якоже писася.

Иерей: Вонмем. Премудрость. Вонмем.

Чтец: Прокимен, глас 6:

Блажен путь в оньже идеши днесь душе, яко уготовася тебе место упокоения.

Стих: К Тебе Господи воззову, Боже мой да не премолчиши от мене.

Иерей: Премудрость.

Чтец: К Солунянам послание святаго апостола Павла чтение.

Иерей: Вонмем.

Апостол к солунянам, зачало 270.

Братие, не хощу вас не ведети о умерших, да не скорбите, якоже и прочии не имущие упования. Аще бо веруем, яко Иисус умре и воскресе, тако и Бог умершия о Иисусе, приведет с Ним. Сие бо вам глаголем словом Господним, яко мы живущие оставшии в пришествии Господне, не имамы предварити умерших. Яко Сам Господь в повелении во гласе Архангелове, и в трубе Божии снидет с небесе, и мертвии о Христе воскреснут первее. Потом же мы живущии оставшии, купно с ними восхищени будем на облацех, в сретение Господне на воздусе, и тако всегда с Господем будем.

Иерей: Премудрость прости, услышим Святаго Евангелия. Мир всем.

Хор: И духови твоему.

Иерей: От Иоанна Святаго Евангелия чтение.

Хор: Слава Тебе Господи, слава Тебе.

Иерей: Вонмем.

Евангелие от Иоанна, зачало 16.

Рече Господь ко пришедшим к Нему иудеом: аминь, аминь, глаголю вам, яко слушаяй словесе Моего, и веруяй Пославшему Мя, имать живот вечный, и на суд не приидет: но прейдет от смерти в живот. Аминь, аминь глаголю вам: яко грядет час и ныне есть, егда мертвии услышат глас Сына Божия, и услышавше оживут. Якоже бо Отец имать живот в Себе, тако даст и Сынови живот имети в Себе; И область даст Ему и суд творити. Яко Сын Человечь есть, не дивитеся сему. Яко грядет час, в оньже вси сущии во гробех услышат глас Сына Божия; И изыдут сотворшии благая в воскрешение живота, а сотворшии злая в воскрешение суда. Не могу Аз о Себе творити ничесоже. Якоже слышу сужду, и суд Мой праведен есть; яко не ищу воли Моея, но воли пославшаго Мя Отца.

Хор: Слава Тебе Господи, слава Тебе.

Иерей: Господу помолимся.

Хор: Господи помилуй.

Иерей: Молитва разрешительная.

Господь наш Иисус Христос, Божественною Благодатию, даром же и властию, данною святым Его учеником и апостолом, во еже вязати и решити грехи человеков, (рек им: приимите Духа Святаго, ихже отпустите грехи, отпустятся Им: ихже удержите, удержатся: и елика аще свяжете и разрешите на земли, будут связана и разрешена на небеси) от онех же и на ны друг другоприимательно прешедшею, да сотворит чрез мене смиреннаго прощенно и сие по духу чадо           от всех, елика яко человек согреши Богу словом, или делом, или мыслию и всеми своими чувствы, волею или неволию, ведением или неведением. Аще же под клятвою или отлучением архиерейским или иерейским бысть, или аще клятву отца своего или матере своея наведе на ся, или своему проклятию подпаде, или клятву преступи, или иными некиими грехи яко человек связася: но от всех сих сердцем сокрушенным покаяся, и от тех всех вины и юзы да разрешит его: елика же за немощь естества забвению предаде и та вся да простит ему человеколюбия ради Своего, молитвами Пресвятыя и Преблагословенныя Владычицы нашея Богородицы и Приснодевы Марии, святых славных и всехвальных апостол и всех святых, аминь.

(Молитва иная: Господь Иисус Христос Бог наш, иже Божественныя заповеди святым Своим учеником и апостолом давый, во еже вязати и решити падших грехи, и от оных паки мы приимше вины тожде творити: да простит тебе, чадо духовное            аще что соделал еси в нынешнем веце, вольное или невольное, ныне и присно, и во веки веков, аминь.)

Хор: Стихира, глас 6:

Молитвами Рождшия Тя Христе, и предтечи Твоего, апостолов, пророков, иерархов, преподобных, и праведных, и всех святых, усопшаго раба твоего упокой.

Чтец: Трисвятое, по Отче наш.

Хор: Тропари, глас 4-й

Со духи праведных скончавшихся душу раба Твоего, Спасе, упокой, сохраняя его во блаженней жизни, яже у Тебе, Человеколюбче.

В покоищи Твоем, Господи, идеже вси святии Твои упокоеваются, упокой и душу раба Твоего, яко Един еси Человеколюбец.

Слава:Ты еси Бог, сошедый во ад и узы окованных разрешивый, Сам и душу раба Твоего упокой.

И ныне: Едина Чистая и Непорочная Дево, Бога без семени рождшая, моли спастися души его.

Иерей: ектения: Помилуй нас Боже…

Хор: Господи помилуй. (Трижды)

Иерей: Еще молимся о упокоении души усопшаго раба Божиего (имярек), и о еже проститися ему всякому прегрешению, вольному же и невольному.

Хор: Господи помилуй. (Трижды)

Иерей: Яко да Господь Бог учинит душу его, идеже праведнии упокояются.

Хор: Господи помилуй. (Трижды)

Иерей: Милости Божия, Царства Небеснаго, и оставления грехов его, у Безсмертного Царя и Бога нашего просим.

Хор: Подай Господи.

Иерей: Господу помолимся,

Хор: Господи помилуй.

Иерей: молитва:

Боже духов и всякия плоти, смерть поправый и диавола упразднивый, и живот миру Твоему даровавый! Сам Господи, упокой душу усопшаго раба Твоего (имярек), в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное им, словом, или делом, или помышлением, яко Благий Человеколюбец Бог прости, яко несть человека, иже жив будет и не согрешит, Ты бо един, кроме греха, правда Твоя правда во веки, и слово Твое истина.

Возглас: Яко Ты еси Воскресение, и живот, и покой усопшаго раба Твоего…

Хор: Аминь.

Иерей: Премудрость. Пресвятая Богородице, спаси нас.

Хор: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Иерей: Слава Тебе Христе Боже, упование наше, Слава Тебе.

Хор: Слава и Ныне. Господи помилуй (трижды), благослови.

Иерей: отпуст

Живыми и мертвыми обладаяй, Воскресый из мертвых, Христос истинный Бог наш…

Иерей: Во блаженном успении вечный покой подаждь, Господи, усопшему рабу Твоему (имярек) и сотвори ему вечную память.

Хор: Вечная память (Трижды). Души их во благих водворятся, и память их в род и род.

 

 

 
Поиск на сайте
Календарь
ukrline.com.ua Rambler's Top100 ya.ts ya.me Mu