Православные храмы

Храм великомученика Пантелеимона (в районе ДВРЗ)

Первая Литургия отслужена 8/21 сентября 1997 г. (в день праздника…

Храм великомученика Георгия Победоносца (в госпитале МВД)

Расположена на территории Центрального госпиталя МВД Украины на…

Свято-Троицкий собор на Троещине

Приходской храм Выгуровщины-Троещины. В ХІ — ХІІІ вв. между Троещиной…

Публикации

Православні літні табори

Спостереження православного педагога за позитивним впливом на дитячу душу…

“Ибо мы не себя проповедуем…” (2 Кор. 4, 5)

Миссионерство (от лат. missio — посылка, поручение) — одна из форм деятельности…

Благословите спросить

На вопросы читателей отвечает Блаженнейший Владимир, Митрополит Киевский и всея…

Иерей начинает: Благословен Бог наш:

Хор: Аминь.

Иерей: Аллилуия глас 8.

Хор: Аллилуия. Трижды.

Тропарь, глас 8-й:

Глубиною мудрости человеколюбно вся строяй, и полезное всем подаваяй Едине Содетелю, упокой Господи души раб Твоих, на Тя бо упование возложиша Творца и Зиждителя и Бога нашего.

Тебе и стену, и пристанище имамы, и Молитвенницу благоприятну к Богу, Егоже родила еси, Богородице Безневестная верных спасение.

Тропари заупокойные, глас 5-й.

Благословен еси Господи, научи мя оправданием Твоим.

Святых лик обрете источник жизни и дверь райскую, да обрящу и аз путь покаянием, погибшее овча аз есмь, воззови мя Спасе и спаси мя.

Благословен еси Господи, научи мя оправданием Твоим.

Упокой, Боже, рабы Твоя и учини я в раи, идеже лицы святых, Господи, и праведницы сияют яко светила; усопшия рабы Твоя упокой, презирая их вся согрешения.

Слава Отцу и Сыну и Святому Духу.

Трисиятельное Единого Божества, благочестно поем вопиюще: Свят еси, Отче Безначальный, Собезначальный Сыне и Божественный Душе; просвети нас, верою Тебе служащих, и вечного огня исхити.

И ныне и присно и во веки веков. Аминь.

Радуйся, Чистая, Бога плотию рождшая во спасение всех, Еюже род человеческий обрете спасение, Тобою да обрящем рай, Богородице Чистая, Благословенная!

Аллилуиа, аллилуиа, аллилуиа, слава Тебе, Боже (Трижды).

Седален, глас 5-й.

Покой, Спасе наш, с праведными рабы Твоя, и сия всели во дворы Твоя, якоже есть писано, презирая яко Благ, прегрешения их, вольная и невольная, и вся яже в ведении и не в ведении, Человеколюбче.

От Девы возсиявый миру, Христе Боже, сыны света Тою показавый, помилуй нас.

Запевы:

Иерей: Покой, Господи, души усопших раб Твоих.

Хор: Покой, Господи, души усопших раб Твоих.

Иерей: Слава Отцу и Сыну и Святому Духу.

Хор: И ныне и присно и во веки веков. Аминь.

Песнь 6 канона:

Молитву пролию ко Господу и Тому возвещу печали моя, яко зол душа моя исполнися, и живот мой аду приближися, и молюся яко Иона: от тли Боже возведи мя.

Ектения: Паки и паки…

Хор: Господи помилуй.

Иерей: Еще молимся о упокоении душ усопших рабов Божиих (имярек), и о еже проститися им всякому прегрешению, вольному же и невольному.

Хор: Господи помилуй.

Иерей: Яко да Господь Бог учинит души их, идеже праведнии упокояются.

Хор: Господи помилуй.

Иерей: Милости Божия, Царства Небеснаго, и оставления грехов их, у Безсмертного Царя и Бога нашего просим.

Хор: Подай Господи.

Иерей: Господу помолимся,

Хор: Господи помилуй.

Возглас: Яко Ты еси Воскресение, и живот, и покой усопших рабов Твоих…

Хор: Аминь.

Кондак, глас 8-й

Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь бесконечная.

Икос:

Сам Един еси Безсмертный, сотворивый и создавый человека: земнии убо от земли создахомся, и в землю туюжде пойдем, якоже повелел еси, создавый мя и рекий ми: яко земля еси и в землю отыдеши, аможе вси человецы пойдем, надгробное рыдание творяще песнь: аллилуиа, аллилуиа, аллилуиа.

 

Запевы:

Иерей: Покой, Господи, души усопших раб Твоих.

Хор: Покой, Господи, души усопших раб Твоих.

Иерей: Благословим Отца и Сына и Святаго Духа Господа.

Хор: И ныне и присно и во веки веков. Аминь.

Иерей: Богородицу и Матерь Света в песнех возвеличим.

Хор: Дуси и души праведных восхвалят Тя Господи.

Песнь 9 канона:

Ужасеся о сем небо, и земляи удивишася концы, яко Бог явися человеком плотски, и чрево Твое бысть пространнейшее небес. Тем Тя Богородицу, ангелов и человек чиноначалия величают.

Трисвятое, по Отче наш.

Тропари, глас 4-й

Со духи праведных скончавшихся души раб Твоих, Спасе, упокой, сохраняя их во блаженней жизни, яже у Тебе, Человеколюбче.

В покоищи Твоем, Господи, идеже вси святии Твои упокоеваются, упокой и души раб Твоих, яко Един еси Человеколюбец.

Слава:Ты еси Бог, сошщедый во ад и узы окованных разрешивый, Сам и души раб Твоих упокой.

И ныне: Едина Чистая и Непорочная Дево, Бога без семени рождшая, моли спастися душам их.

Ектения: Помилуй нас Боже…

Хор: Господи помилуй. (Трижды)

Иерей: Еще молимся о упокоении душ усопших рабов Божиих (имярек), и о еже проститися им всякому прегрешению, вольному же и невольному.

Хор: Господи помилуй. (Трижды)

Иерей: Яко да Господь Бог учинит души их, идеже праведнии упокояются.

Хор: Господи помилуй. (Трижды)

Иерей: Милости Божия, Царства Небеснаго, и оставления грехов их, у Безсмертного Царя и Бога нашего просим.

Хор: Подай Господи.

Иерей: Господу помолимся,

Хор: Господи помилуй.

Молитва

Боже духов и всякия плоти, смерть поправый и диавола упразднивый, и живот миру Твоему даровавый! Сам Господи, упокой души усопших рабов Твоих (имярек), в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное ими, словом, или делом, или помышлением, яко Благий Человеколюбец Бог прости, яко несть человек, иже жив будет и не согрешит, Ты бо еедин, кроме греха, правда Твоя правда во веки, и слово Твое истина.

Возглас: Яко Ты еси Воскресение, и живот, и покой усопших рабов Твоих…

Иерей: Премудрость. Пресвятая Богородице, спаси нас.

Хор: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Иерей: Слава Тебе Христе Боже, упование наше, Слава Тебе.

Хор: Слава и Ныне. Господи помилуй (трижды), благослови.

Иерей: отпуст

Живыми и мертвыми обладаяй, Воскресый из мертвых, Христос истинный Бог наш…

Иерей: Во блаженном успении вечный покой подаждь, Господи, усопшим рабом Твоим (имярек) и сотвори им вечную память.

Хор: Вечная память (Трижды). Души их во благих водворятся, и память их в род и род.

 

Добавить комментарий


Защитный код
Обновить

ukrline.com.ua Mu Rambler's Top100 ya.ts ya.me